Inzan deg ungal aqbayli Ungal Tagrest, urɣu n Σmer Mezdad d amadya

Abstract

Tasekla d tussna i d-yettawin ɣef umdan d tudert-is, tettmeslay-d ɣef yiḥulfan d wayen yettidir d wayen akk yettmagar deg tudert-is, tasekla s umata d talɣa anda d-yessenfalay umdan tiktiwin-is d yiḥulfan-is d wayen akk i t-icaɣben. Yal tasekla tedda-d deg ubrid n timawit uqbel tira wa yettak-itt i wa neɣ nezmer ad d-nini lǧil yettak-itt i lǧil nniḍen akken i d-yenna M.IMARAZEN: «Tasekla-agi akken ma tella tettruḥu, seg yimi γer tmeẓẓuγt, d aya-agi i ttyeğğan tezger idurar d isafen, ussan d yiseggasen akken ad taweḍ si lğil γer wayeḍ.»1