Tasiwelt deg wungal “Aẓar n tagut” n Salem ZENYA

Abstract

Tasekla taqbaylit telḥa-d acḥal n taliyin s wallal n timawit i-tt-yeǧǧan ad tidir armi d tallit tamirant, mi d-yeldi lqern wis 19 tiwwura-is, tebda tasekla-a ad tettidir tallit-nniḍen, tallit n tira . Tasekla-a d tin yennernan akked unekcum afransis deg yiseggasen n 1830, acku timura-ya sԑant iɣil i temhersa afant-d allal n ujerred i tegzi n wamek leḥun lecɣal n tmettiyin-a. Dɣa ajerred yella-d sɣur yiserdasen (les militaires) neɣ wid ixeddmen deg tedbelt (les administrateurs) n tmura-a. D wa i d abrid amezwaru n ujerred n tsekla timawit taqbaylit