Udmawen n tensayit deg ungal Ger ẓẓebra d yifḍisen n Ḥmed Nekkar

Abstract

Tasekla d lemri n tmetti tettawi-d ɣef leɛwayed d wansayen d tudert n yimdanen. S tsekla i nezmer ad nefhem timettiyin d wassa ɣen yellan gar yimdanen. Tasekla-agi tamaziɣt tebḍa ɣef sin : tasekla tamensayt, tasekla tatrart. Tasekla n tmaziɣt tamensayt, tettwassen s waṭas n tewsatin ama deg wayen yeɛnan tamedyazt neɣ tasrit am tmucuha, tiqsiḍin, inzan d tumgisin. Tasekla-agi, tettas-d s ubrid n timawit, wa yettak-itt i wayeḍ seg yimi ɣer umezzuɣ, tasuta tettaǧǧa-tt-id i tayeḍ am waken i d-yenna Imarazene Moussa deg wawal-is:“ Tasekla-agi akken ma tella, tettruḥu deg yimi ɣer tmezzuɣt. D aya i tt-iǧǧan tezger idurar d isaffen, ussan d yiseggasen akken ad taweḍ si lǧil ɣer wayeḍ” 1